កំពង់ឆ្នាំង: សាលាហ្វឹកហ្វឺនពលទាហានរបស់យោធភូមិភាគពិសេស បានចុះពិធីបិទវគ្គហ្វឹក ហ្វឺនបំប៉នពង្រឹងនាយទាហានរង ក្រោមអធិបតីភាព មេបញ្ជាការរងយោធភូមិភាគពិសេស
លោកឧត្តមសេនីយ៍ទោ សោម សុវណ្ណ ដែលជាតំណាងដ៏ខ្ពង់ខ្ពស់លោកឧត្តមសេនីយ៍ឯក ពូសារ ប៊ុតឌី អគ្គមេបញ្ជាការរងកងទ័ពជើងគោក និងជាមេបញ្ជាការយោធភូមិភាគពិសេស រួមនិងសហការី ។ ពិធីបិទវគ្គហ្វឹកហ្វឺនបំប៉នពង្រឹងនាយទាហានរង ដែលបានធ្វើឡើងរយៈពីរខែមកហើយនោះ បានធ្វើឡើងនៅថ្ងៃទី២០ តុលា ២០២៣ ម្សិលមិញនេះ ។
មេបញ្ជាការរងយោធភូមិភាគពិសេស លោកឧត្តមសេនីយ៍ទោ សោម សុវណ្ណ មានប្រសាសន៍លើកឡើងក្នុងពិធីនោះថា វគ្គហ្វឹកហ្វឺនបំប៉ន និងពង្រឹងសមត្ថភាពនាយទាហារងនារយៈពីរខែ ថ្នាក់ក្រុម និងថ្នាក់ពួគកន្លងមកនេះ ពិតជាបានផ្ដល់នូវអត្ថប្រយោជន៍ គុណតម្លៃបំផុត ដល់ខឿនរក្សាការពារសន្តិសុខ សុវត្ថិភាព និងសណ្ដាប់ធ្នាប់សាធារណៈ ទប់ស្កាត់រាល់បាតុភាពអាណាធិបតេយ្យរបស់ពួកអមិត្តនានា ដែលចិញ្ចឹមចិត្តបំផ្លាញរាជរដ្ឋាភិបាលកម្ពុជា ដែលកើតឡើងដោយស្របច្បាប់ផងដែរ។
លោកមេបញ្ជាការរងយោធភូមិភាគពិសេស នៅបានថ្លែងការកោតសរសើរ និងវាយតម្លៃខ្ពស់ ពីការខិតខំបំពេញភារកិច្ចរបស់សាលាហ្វឹកហ្វឺនពលទាហានយោធភូមិភាគពិសេស ដែលរក្សាបាននៅវិន័យ និងភាពសហការសន្តិសុខសណ្ដាប់ធ្នាប់សាធារណៈ នៅក្នុងភូមិសាស្ត្រសាលាហ្វឹកហ្វឺនពលទាហានយោធភូមិភាគពិសេសមានស្ថានភាពស្ងប់ស្ងាត់ល្អប្រសើរ ដែលផ្តើមចេញពីកិច្ចសហប្រតិបត្តិការល្អ រវាងសាលាហ្វឹកហ្វឺន និងអាជ្ញាធរមូលដ្ឋានប្រជាពលរដ្ឋជិតៗសាលាបានល្អប្រសើរ។
លោកឧត្តមសេនីយ៍ទោ សោម សុវណ្ណ បានធ្វើការផ្តាំផ្ញើដល់នាយទាហានរងទាំងអស់ បានឆ្លងកាត់វគ្គហ្វឹកហ្វឺន វគ្គបញ្ចប់បំប៉នពង្រឹងនាយទាហានរង វគ្គថ្នាក់ក្រម និងពួកនេះ នៅសាលាហ្វឹកហ្វឺនពលទាហានយោធភូមិភាគពិសេសរួច ពេលវិលត្រឡប់ទៅអង្គភាពវិញ ត្រូវបន្តចែករំលែកនូវចំណេះដឹងរបស់ខ្លួន ដល់អ្នកដែលមិនចេះផងដែរ ។
លោកឧត្តមសេនីយ៍ទោ សោម សុវណ្ណ បានថ្លែងទៀតថា នៅជាមួយគ្នានោះដែរ នាយករដ្ឋមន្ត្រីនៃកម្ពុជា សម្ដេចមហាបវរធិបតី ហ៊ុន ម៉ាណែត ជានិច្ចជាកាលសម្ដេចបានយកចិត្តទុកដាក់ដោះស្រាយរាល់ការលំបាកខ្វះខាតជូនដល់កងយុទ្ធពលខេមរៈភូមិន្ទ និងចាត់ទុកវិស័យការពារជាតិ ជាវិស័យមួយមានអាទិភាពខ្ពស់បំផុត ក្នុងការងារការពារសន្តិសុខសុវត្ថិភាព ស្ថេរភាព ជូនប្រជាពលរដ្ឋ និងប្រទេសជាតិ។
មេបញ្ជាការរងយោធភូមិភាគពិសេស បានថ្លែងបន្តទៀតថា ដើម្បីពង្រឹងលើវិស័យការពារជាតិ សម្ដេចបានយកចិត្តទុកដាក់យ៉ាងខ្លាំងក្លាបំផុត ដល់ការងារហ្វឹកហ្វឺងកងទ័ពគ្រប់លំដាប់ថ្នាក់ គ្រប់ជំនាញ ដើម្បីធានាបាននូវគុណភាពនិងប្រសិទ្ធភាពខ្ពស់ ក្នុងការងារប្រយុទ្ធការពារបូរណ ភាពទឹកដី រដ្ឋធមនុញ្ញ ការពារជាតិសាសនា ព្រមហាក្សត្រ ការពារដាច់ខាតរាជរដ្ឋាភិបាលស្របច្បាប់ ដែលកើតចេញពីការបោះឆ្នោតរបស់ប្រជាពលរដ្ឋ ។
នៅក្នុងពិធីបញ្ចប់ នៅចុងបញ្ចប់នៃកម្មវិធី ក៍មានជូនប័ណ្ណសរសើរ លិខិតសរសើរ ដល់នាយទាហាន នាយទាហ៊ានរង ពលទាហាន និងបានឧបត្ថម្ភថវិកា ១០លានរៀល ដល់សាលាហ្វឹក ហ្វឺនពលទាហានយោធភូមិភាគពិសេសផងដែរ ៕
