នៅលើលោកនេះ មិនថាឡើយអ្នក មិនថាឡើយខ្ញុំ មិនថាឡើយមនុស្សដទៃទៀតសុទ្ធតែធ្លាប់ជួបរឿងខកចិត្ត ដល់ពេលខ្លះការខកចិត្តពីមួយថ្ងៃទៅមួយថ្ងៃ មួយដងទៅមួយដង ធ្វើ៎ឲ្យយើងសឹងតែមិនអាចដេកលក់ ពេលខ្លះមានអារម្មណ៍ថាខ្លួនកំពុងស្ថិតនៅក្នុងតំបន់មួយដែលគ្រោះថ្នាក់ និងឯការជាទីបំផុតមួយដែលគ្មាននរណាអាចដឹង និងយល់បាន ។ ទាំងអស់នេះកើតឡើងចេញពីការខកចិត្ត អ្នកខ្លះខកទាំងចិត្ត ខកទាំងកាយ អ្នកខ្លះខកទាំងទ្រព្យសម្បតិ្ត កិត្តិយសជាដើម ។ល។ ការខកចិត្តទាំងឡាយរមែងតែងតែមានដើមហេតុដើមចមរបស់វា តួយ៉ាងយើងនិយាយដល់ការធ្វើទំនាក់ទំនងតែម្តង ។ ការធ្វើទំនាក់ទំនងពិតជាមានសារសំខាន់ខ្លាំងណាស់នៅក្នុងសង្គម ក្នុងមូលដ្ឋានមួយនៃការប្រាស្រ័យគ្នាពីមនុស្សម្នាក់ទៅមនុស្សម្នាក់ផ្សេងទៀត ។ មនុស្សទាំងឡាយសុទ្ធតែចង់បាននូវការទុកចិត្តគ្នាទៅវិញទៅមក មិនថាឡើយទំនាក់ទំនងក្នុងរបរជំនួញ ទំនាក់ទំនងក្នុងការងារ ទំនាក់ទំនងស្នេហាជាដើម ។
ហេតុអ្វីបានជាទំនុកចិត្តពិតជាមានសារៈសំខាន់ដល់ម្លឹង ?
ពិតណាស់ ទំនុកចិត្តគឺជាគ្រឿងក្នុង ឬកោសិការដ៏សំខាន់ជាទីបំផុតនៃទំនាក់ទំនងរវាងមនុស្សពីរនាក់ ឬមនុស្សមួយក្រុម ។ វាតម្រូវឲ្យមានការទុកចិត្តគ្នា ពេលខ្លះមិនចាំបាច់តែជិះទូកជាមួយគ្នានោះទេ តែត្រឹមមានគោលដៅរួមគ្នាមួយ នោះ ទំនាក់ទំនងរបស់អ្នកជាមួយនរណាម្នាក់នឹងមានអនាគតល្អវែងឆ្ងាយ ។ ឧទាហរណ៍ អ្នកមានទំនាក់ទំនងជាមួយនរណាម្នាក់ដែលជិតស្និទ្ធខ្លាំងបំផុតមួយ អ្នកប្រាកដជារមែងចង់បានអ្នកដែលមានការគិតគូរជាមួយអ្នកឲ្យបានគត់មត់ និងយូរអង្វែង តែចៃដន្យអ្វី គេនោះមិនគិតដូចអ្នកឡើយ គេខ្វល់អំពីខ្លួនគេ ច្រើនជាងខ្លួនអ្នក ។ និយាយនេះមិនមែនបានន័យថា អ្នកទាមទារការយកចិត្តទុកដាក់ពីនរណាម្នាក់ឡើយ តែជឿច្បាស់ថា អ្នកចង់បានភាពច្បាស់លាស់ ដូចជាភាពជាដៃគូររវាងបុរស និងនារីអ៊ីចឹង ។ អ្នកនឹងបន្តសេពគប់ជាមួយគាត់ទៀតឬទេ បើមនុស្សដែលអ្នកកំពុងតែទាក់ទងជាមួយនោះ គាត់មិនដែលគិតអំពីផលប្រយោជន៍ជារួមមួយជាមួយនឹងអ្នកផង ។ អ្នកមិនគួរនៅបន្តត្រាំត្រែង រង់ចាំថ្ងៃណាមួយ ឬព្យាយាមស្វែងយល់អំពីគាត់បន្តទៀតនោះទេ ។ អ្នកនៅជាមួយគាត់កាន់តែច្រើន ឱកាសអភិវឌ្ឍន៍ខ្លួនរបស់អ្នកកាន់តែខើច ស្របពេលដែលគាត់មានគ្រប់យ៉ាងដោយសារតែគាត់មានអ្នកដែលចាំនៅក្បែរ ផ្តល់កម្លាំងចិត្តគ្រប់យ៉ាងក្នុងការតស៊ូក្នុងជីវិត ពេលក្រឡេកមកមើលជីវិតរបស់អ្នកគឺគ្មានអ្វីទាំងអស់ មានតែគាត់ម្នាក់ ហើយគាត់ក៏មិនសូវគិតគូរពីអ្នកទៀត គាត់គិតគូរ និងស្រឡាញ់ខ្លួនគាត់ ច្រើនជាងស្រឡាញ់អ្នកទៅទៀត ។ ខាតពេលណាស់ដែលអ្នកបន្តស្នាក់នៅជាមួយនឹងទំនាក់ទំនងដែលមានភាពស្រពេចស្រពិល ។ អ្នកនឹងបាត់បង់ឱកាសល្អៗ និងមនុស្សល្អៗជាច្រើន ដែលគេកំពុងរង់ចាំអ្នក ជួយលើកទឹកចិត្តអ្នក និងចង់សាងសង់អនាគតជាមួយអ្នក ។ ចូរជឿលើខ្លួនឯង ថាអ្នកនៅតែអាចរស់នៅបានដោយគ្មានគាត់ ព្រោះអ្នកជាមនុស្សពូកែស្រាប់ អ្នកមានគោលដៅរបស់អ្នកស្រាប់ហើយ គ្រាន់តែអ្នកកំពុងលង់ជាមួយនឹងការស្រមើស្រម៉ៃមួយពេលប៉ុណ្ណោះ ។ ចូរចាកចេញតែម្តងទៅ អ្នកនឹងមិនស្លាប់ទេ អ្នកនឹងបន្តរីកចម្រើនខ្លួនឯង រហូតដល់ពេលវេលាសាកសមមួយ អ្នកនឹងជួបជាមួយនឹងមនុស្សដែលគាត់ក៏កំពុងរង់ចាំអ្នកដូចគ្នា ។ ហេតុអីត្រូវចំណាយពេលខ្ជះខ្ជាយឥតប្រយោជន៍ជាមួយនឹងមនុស្សដែលគ្មានគោលដៅជាមួយអ្នកនោះធ្វើអ្វី ។ មនុស្សដែលមិនមានភាពច្បាស់លាស់សូម្បីតែក្នុងជីវិតរបស់គេ មនុស្សដែលអាត្មានិយមគិតគូរតែខ្លួនឯងដូច្នេះ មិនសមណាមានអ្នកធ្វើជាទីប្រឹក្សា ក៏ដូចជាអ្នកកំដរបេះដូងទំនេរ ពោរពេញទៅដោយភាពមិនប្រាកដប្រជាដូចជាគេនោះទេ ។ គាត់គ្មានតម្លៃអ្វីដែលអ្នកត្រូវចំនាយពេលដល់ថ្នាក់ហ្នឹងទេ ព្រោះអ្នកនៅមានក្រុមគ្រួសារ និងមិត្តភ័ក្តិល្អៗរបស់អ្នកផ្សេងទៀត ។ ក្រុមមនុស្សដែលមិនអាត្មានិយម និងតែងតែគិតគូរពីអ្នកគ្រប់ពេលមិនដែលនៅឆ្ងាយពីអ្នកទេ ។ ពួកគេជាគ្រួសាររបស់អ្នក ពួកគេតែងតែលើកទឹកចិត្តអ្នកគ្រប់ពេល មិនថាឡើយអ្នកក្លាយជាអ្វីក៏ដោយ អ្នកនៅតែជាមនុស្សដែលពួកគាត់ត្រូវការ និងមានសារសំខាន់ស្មើត្បូងពេជ្យ ។
(មានបន្តទៀត)
