ខេត្តកំពង់ឆ្នាំង ៖ ខេត្តកំពង់ឆ្នាំងនឹងមានការរៀបចំកម្មវិធីពិសេស ពិធីបុណ្យរដូវរំហើយ ឆ្នាំ 2022នៅទឹកដីស្រុកកំពង់លែង ក្នុងបរិបទទទួលស្វាគមន៍ពុកម៉ែ បងប្អូនជនរួមជាតិខ្មែរមកពីទីជិតឆ្ងាយទាំងអស់ទាំងអស់ក្នុងការទទួលយកនូវបទពិសោធន៍នៃការកម្សាន្តបុណ្យមួយដែលបន្សល់ទុកពីដូនតាខ្មែរយើងពីបុរាណមក ។
![](https://cam.kasenpost.com/wp-content/uploads/2022/12/CEF299B2-320F-439A-BC92-326AB74E0937-819x1024.jpeg)
នៅក្នុងកម្មវិធីបុណ្យរដូវរំហើយនេះមានការលេងល្បែងកម្សាន្ត តាំងពីថ្ងៃរះរហូតដល់ថ្ងៃលិចជាមួយនឹងកម្មវិធីជាច្រើនរួមមានការដង្ហែរក្បួនភោគផលដ៏ធំ ការដាល់អំបុក ការបង្ហោះខ្លែង ទស្សនីយភាពសម្តែងសិល្បៈប្រពៃណីខ្មែរ ការប្រគុំតន្រ្តី ការបង្ហោះគោមចំនួន 2023 ការបាញ់កាំជ្រួច និងកម្មវិធីកម្សាន្តសប្បាយៗជាច្រើនទៀត ។ ព្រឹត្តិការណ៍ពិធីបុណ្យរំដូវរំហើយឆ្នាំ 2022នឹងមានការឆ្លុះបញ្ចាំងអំពីការថែរក្សាមរតកប្រពៃណីតាំងពីបុរាណកាលមក គឺការប្រមូលកសិផល ដំណាំស្រូវ ក៏ដូចជាចូលរួមជាមួយរាជរដ្ឋាភិបាលក្នុងការលើកស្ទួយ ថែរក្សា និងអភិរក្សនូវប្រពៃណីទំនៀមទម្លាប់ពីបុរាណកាលជាយូរលង់ណាស់មកហើយ ក៏ដូចជាការបង្កលក្ខណៈសប្បាយរីករាយក្នុងពេលដែលប្រជាពលរដ្ឋកំពុងប្រមូលផលស្រូវ ។
![](https://cam.kasenpost.com/wp-content/uploads/2022/12/1312ABF7-C880-49DA-AAB1-3BE757F81BE2-819x1024.jpeg)
សូមបញ្ជាក់ថា ព្រឹត្តិការណ៍ពិធីបុណ្យរំដូវរំហើយនេះនឹងរៀបចំឡើងនាថ្ងៃទី 17 និង18 ខែធ្នូ ឆ្នាំ2022 នៅភូមិដំណាក់កកោះ ឃុំពោធិ ស្រុកកំពង់លែង ខេត្តកំពង់ឆ្នាំងដោយមានការរៀបចំ និងឧបត្ថម្ភដោយមូលនិធី ING FOUNDATION និងសហការដោយមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំងផងដែរ ។
![](https://cam.kasenpost.com/wp-content/uploads/2022/12/FBEB5FDA-C039-40D7-9C7A-F148250CCC0D-819x1024.jpeg)
![](https://cam.kasenpost.com/wp-content/uploads/2022/12/7213E635-CABE-4B30-B0E6-B49F003EF9E7-1024x1024.jpeg)
![](https://cam.kasenpost.com/wp-content/uploads/2022/12/555E02F0-CAFE-4D05-AEC2-DCD73BAEF36A-1024x721.jpeg)
![](https://cam.kasenpost.com/wp-content/uploads/2022/12/9177F6ED-B9ED-45BA-97C1-C051DB240960-819x1024.jpeg)
ប្រភព ៖ ហ្វេសប៊ុកផេកបុណ្យរដូវរំហើយ