កំពង់ឆ្នាំង: ក្រុមការងារគណ:បញ្ជាការឯកភាពស្រុកជលគីរី រួមសហការជាមួយនឹងអង្គភាពពាក់ ព័ន្ធ បានបន្តចុះបង្ក្រាបបទល្មើសជលផល បើនៅតែមានក្នុងតំបន់របស់ខ្លួនគ្រប់គ្រង ។ ប្រតិបតិ្តការនេះ បានធ្វើឡើងនៅថ្ងៃទី២១ កញ្ញា ២០២៣នេះ ដែលាមានការចូលរួមសហការជាមួយកម្លាំងកងរាជអាវុធហត្ថស្រុក, កម្លាំងនគបាលស្រុកជលគីរី, កម្លាំងនគបាលប៉ុសន៍ប៉ុស្តិ៍រដ្ឋបាលឃុំពាមឆ្កោក, ជលផលផលផ្នែកកំពុងប្រាសាទ, ជលផលសុខជល់គីរី និងសហគមន៍នេសាទផងដែរ ដែលស្ថិតនៅចំណុចវាលស្រង៉ែ និងមេទឹកពាមឆ្កោក ភូមិពាមឆ្នោត ឃុំទាមឆ្នោត ស្រុកជល់គិរី ខេត្តកំពង់ឆ្នាំង ។
អភិបាលរងស្រុកជល់គីរី និងជាគណៈបញ្ជាការឯកភាពស្រុក លោក មុត ម៉េង ដែលបានដឹកនាំ ប្រតិបត្តិការចុះបង្រ្កាបនោះ បានឲ្យដឹងថា ក្នុងកិច្ចប្រតិបត្តិការនោះ សមត្ថកិច្ចបានរុះរើនូវឧបករណ៍នេសាទស្បៃមុងខុសច្បាប់យកទៅកាប់បំផ្លាញចោល នៅទីតាំងចំនួន១០កន្លែង ដែលមានប្រវែងសរុប ៣ពាន់ ៤០០ម៉ែត្រ លបលូស្បៃមុង១០គ្រឿង បង្គោល ១៥០ដើម និងបានចាក់លែងកូនត្រីល្អិតៗចូលបឹងវិញ ចំនួន១០០គីឡូក្រាម។
នៅក្នុងកិច្ចប្រតិបត្តិការថ្ងៃនេះ សមត្ថកិច្ចបានប្រើប្រាស់កម្លាំងសរុប ២៦នាក់ និងមធ្យោបាយធ្វើសកម្មភាពការណូតបាឡាស្នាច់ តូចធំសរុប ៦គ្រឿង ។
ប្រធានក្រុមការងាជាគណៈបញ្ជាការឯកភាពស្រុកជលគីរី បានធ្វើការអំពាវនាវយ៉ាងទទួចដល់ប្រជាពលរដ្ឋ សូមបញ្ឈប់ការនេសាទដោយឧបករណ៍នេសាទដែលច្បាប់ត្រូវហាមឃាត់។ ការបង្ក្រាបបទល្មើសនេសាទត្រូវគេកត់សម្គាល់ឃើញថា បានធ្វើឡើងជាច្រើនកន្លងមក នៅគ្រប់ស្រុកតាមដងទន្លេ ។ ប៉ុន្តែរាល់ការបង្រ្កាប គេមិនដែលឃើញសមត្ថកិច្ច ធ្វើការឃាត់ខ្លួនក្រុមជនល្មើសឡើយ ហើយជនល្មើសភាគច្រើនដែលមានមុខតែដដែលរាលឆ្នាំបានម្តងណាឡើយក្រោយតែពីធ្វើការកាប់និងរុះរើសបំផ្លាញចោលឧបករណ៍នេសាទទាំងអស់នោះតែប៉ុណ្ណោះ៕
