ម្ចាស់កសិដ្ឋានចិញ្ចឹមបង្កងមួយកន្លែង នៅខេត្តកំពង់ឆ្នាំង បានបង្ហាញពីភាពជោគជ័យរបស់ខ្លួន នៃការធ្វើកសិកម្មជាខ្សែបណ្តាញ
កំពង់ឆ្នាំង ៖ ម្ចាស់កសិដ្ឋានចិញ្ចឹមបង្កងមួយកន្លែង នៃស្រុករលៀប្អៀរ ខេត្តកំពង់ឆ្នាំង បានបង្ហាញពីភាពជោគជ័យខ្លាំង ទៅលើការប្រកបមុខរបរកសិកម្មរបស់ខ្លួន បន្ទាប់ពីប្តូរជីវភាពពីអ្នករាជធានី មកជាអ្នកជនបទ ។ លោក នង ណារិទ្ធ អាយុ ៣៧ឆ្នាំ គឺជាកសិករមួយរូបដែលចាប់ផ្ដើមចិញ្ចឹមបង្កងអូស្ត្រាលី ឬបង្កងដង្កៀបក្រហម ដែលការបង្កើតរបរនេះ ដំបូងបំផុតនោះ ត្រឹមតែ៣ ទៅ៤អាងប៉ុណ្ណោះ ប៉ុន្តែបច្ចុប្បន្ននេះបានក្លាយជាកសិករមួយរូប ដែលមានជំនាញ និងបទពិសោធន៍ ក្នុងការចិញ្ចឹមបង្កងអូស្ត្រាលី យ៉ាងស្ទាត់ជំនាញ ។ បច្ចុប្បន្នលោកបានពង្រីកអាង និងស្រះចិញ្ចឹមបង្កងជាច្រើនកន្លែង និងថែមទាំងកំពុងពង្រីកមុខរបរដោយការដាំបន្លែលើទឹក និងចិញ្ជឹមសត្វលង្កែប និងចិញ្ចឹមសត្វផ្សេងៗទៀតផងដែរ ។ ទីលំនៅ និងកសិដ្ឋានចិញ្ចឹមបង្កង, កង្កែប និងដាំបន្លែរបស់កសិកររូបនោះ មានទីតាំងស្ថិតនៅភូមិចំការឃ្លៃ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ។ ម្ចាស់កសិដ្ឋានរូបនោះ បានបញ្ជាក់ថា បច្ចុប្បន្នលោកមានស្រះចិញ្ចឹមបង្កងចំនួន៥ស្រះ និងអាងចិញ្ចឹមបង្កងជាង ២០អាង ដែលកំពុងតែដំណើរការ និងទទួលបានជោគជ័យជាហូរហែរ។ ម្ចាស់កសិដ្ឋាន លោក នង ណារិទ្ធ បានបង្ហាញពីបទពិសោធន៍នៃការចាប់ផ្តើបរបររបស់លោកថា មុននឹងទទួលបានជោគជ័យ […]
ស្ពានដែកមួយខែ្ស នៅស្រុកវាលវែង ខេត្តពោធិ៍សាត់ បានរងការបាក់ដោយសារការដឹកធ្ងន់
ពោធិ៍សាត់ ៖ ស្ពានដែកវែងឆ្លងកាត់ស្ទឹងមួយខ្សែ នៅខេត្តពោធិ៍សាត់ បានបាក់នៅថ្ងៃទី១៧ ខែមីនានេះ ដោយសារតែការដឹកទម្ងន់ធ្ងន់ខ្លាំងឆ្លងកាត់។ ហេតុការណ៍បាក់ស្ពាននេះ បានកើតឡើងវេលាម៉ោង ១៤ និង២៥នាទីរសៀល ។ ស្ពានដែលរងការបាក់នេះ ស្ថិតក្នុងភូមិឆាយលូក ឃុំអូរសោម នៃស្រុកវាលវែង ដែលបង្កឡើងដោយរថយន្តមួយគ្រឿង ដែលដឹកថ្មឲ្យក្រុមហ៊ុនចិន RB ដើម្បីធ្វើផ្លូវលើថ្នល់ជាតិលេខ១០។ មិនមានសេចក្តីរាយការណ៍ នូវការបង្កឱ្យមានរបួសដល់អ្នកបើកបរ ឬអ្នកដទៃដែលកំពុងឆ្លងកាត់ស្ពានោះទេ។ អធិការស្រុកវាលវែង លោកវីរៈសេនីយ៍ឯក ធាង ឡេង បានឱ្យដឹងទៀតថា បច្ចុប្បន្នក្រុមហ៊ុនចិន RB កំពុងយករថយន្តស្ទូចមកស្ទូចរថយន្តបង្ករចេញពីស្ពាន ចំណែកឯការធ្វើចរាចរណ៍គឺអាចធ្វើចរាចរណ៍បាននៅលើស្ពានថ្មមួយផ្សេងទៀតដែលកំពុងសាងសង់នៅក្បែនោះ ប៉ុន្តែការបើកបរលើស្ពាននោះបានតែរថយន្តតូច និងម៉ូតូតែប៉ុណ្ណោះ៕
ព្រះរាជអាជ្ញាអមសាលាដំបូងខេត្តកំពង់ឆ្នាំង ចុះផ្តល់អំណោយជូនពលរដ្ឋ ៤៥គ្រួសារ ដែលរងគ្រោះដោយសារភ្លើងឆេះផ្ទះនៅក្នុងក្រុងកំពង់ឆ្នាំង
កំពង់ស្ពឺ ៖ ប្រជាពលរដ្ឋ ៤៥គ្រួសារ ដែលរងគ្រោះដោយសារអគ្គីភ័យឆាបឆេះផ្ទះអស់ទាំងស្រុង នៅក្នុងក្រុងកំពង់ឆ្នាំង ត្រូវបានព្រះរាជអាជ្ញាអមសាលាដំបូង ខេត្តកំពង់ឆ្នាំង លោក អ៊ិត សុធា បានដឹកនាំមន្ត្រីរាជការនៅក្នុងស្ថាបន័អយ្យការអមសាលាដំបូងខេត្តកំពង់ឆ្នាំងទាំងអស់ នាំយកថវិកាទៅផ្តល់ជូន ។ សូមបញ្ជាក់ថា ផ្ទះប្រជាពលរដ្ឋចំនួន ២៧ខ្នង នៅក្នុងសង្កាត់ផ្សារឆ្នាំង នៃក្រុងកំពង់ឆ្នាំង ត្រូវបានអគ្គីភ័យឆេះអស់ទាំងស្រុង កាលពីព្រឹកថ្ងៃទី១២ មីនា ឆ្នាំ២០២៣ ។ សេចក្តីរាយការណ៍ពីអភិបាលក្រុងកំពង់ឆ្នាំង លោក ហ៊ីង ភ័ព្វមីនា បានឲ្យដឹងថា អគ្គិភ័យបានកើតចេញពីផ្ទះពល រដ្ឋដែលជាអាជីវកឆ្អើរត្រីលក់។ ការនាំយកថវិការទៅផ្តល់ជូនពលរដ្ឋរងគ្រោះទាំង ៤៥គ្រួសារនោះ បានធ្វើឡើងនៅរសៀលថ្ងៃទី១៥ មីនា ២០២៣ នេះ ដោយគ្រួសារនិមួយៗទទួលបាន ថវិកាចំនួន ២០ម៉ឺនរៀល ។ លោកព្រះរាជអាជ្ញា ក្នុងឱកាសនាំយកថវិការទៅផ្តល់ជូនពលរដ្ឋរងគ្រោះទាំងនោះ បានសម្ដែងនូវការសោកស្ដាយចំពោះឧបទ្ទវហេតុនេះ និងបានផ្ដាំទៅកាន់ប្រជាពលរដ្ឋផ្សេងៗទៀត ត្រូវមានការប្រុងប្រយ័ត្នឱ្យបានខ្ពស់ ដោយសារនេះជារដូវក្តៅ ដែលធ្វើឲ្យភ្លើងងាយនឹងឆាបឆេះ ។ លោកព្រះរាជអាជ្ញាបានថ្លែងបន្តទៀតថា ថវិការតិចតួចដែលបានផ្តល់ជូនពលរដ្ឋទាំងនេះ គឺជាទឹកចិត្តរបស់មន្រ្តីនៅក្នុងស្ថាបន័អយ្យការនៃខេត្តកំពង់ឆ្នាំង ដូចទៅនឹងប្រសាសន៏របស់សម្តេចហ៊ុន សែន ដែលលោកធ្លាប់លើកឡើងថា […]
សមត្ថកិច្ចចម្រុះខេត្តកំពង់ឆ្នាំង បង្រ្កាបបានជនល្មើសមួយក្រុមលួចប្រើឧបករណ៍នេសាទខុសច្បាន់ នៅក្នុងតំបន់អភិរក្សត្រីមេពូជ
កំពង់ឆ្នាំង ៖ មនុស្សមួយក្រុម រួមជាមួយនឹងឧបករណ៍មងនេសាទត្រីខុសច្បាប់ ដែលលួចនេសាទនៅក្នុងតំបន់អភិរក្សត្រីមេពូជ ត្រូវបានសមត្ថកិច្ចចម្រុះចាប់ឃាត់ខ្លួនឲ្យធ្វើកិច្ចសន្យា អប់រំ ព្រមាន និងដកហូតយកមងដែលជាឧបករណ៍ខុសច្បាប់កំទេចចោល។ សេចក្តីរាយការណ៍បានឲ្យដឹងថា ប្រភេទមង ដែលក្រុមអ្នកនេ សាទទាំងនោះបានប្រើប្រាស់ក្នុងការចាប់ត្រី គឺជាប្រភេទមង ដែលមានប៣ថ្នាក់ ដែលថ្នាក់ទី១ មានក្រឡាធំ ដែលចាប់បានត្រីធំៗ, ថ្នាក់ទី២ មានក្រឡាធំមធ្យម ដែលចាប់បានត្រីមធ្យម និងថ្នាក់ទី៣ មានក្រឡាមងតូចបំផុត ដែលអាចស្ទាក់បានសូម្បីតែប្រភេទត្រីតូចៗបំផុតផងដែរ ។ ពួកគេប្រើមងទាំងនោះដើម្បីងាយស្រួលក្នុងការចាប់ថ្នាក់នៃទំហំត្រី ទៅតាមដែលពួកគេចង់បាន ។ មិនតែប៉ុណ្ណោះ ក្រុមអ្នកនេសាទទាំងនោះ ថែមទាំងបានចូលទៅនេសាទនៅក្នុងតំបន់អភិរក្សត្រីមេពូជ ដែលច្បាប់បានហាមឃាត់ទៀតផង ។ ប្រតិបត្តិការចុះបង្រ្កាបនេះបានធ្វើឡើងនៅរសៀលនៅថ្ងៃទី១៤ មីនា ២០២៣ ដោយសមត្ថកិច្ចចម្រុះបានធ្វើការបង្រ្កាបកាណូត ២គ្រឿង និងមនុស្ស ៤នាក់ ដែលប្រើប្រាស់ឧបករណ៍មងបង្ក្រាបនេសាទខុសច្បាប់ និងលួចនេសាទនៅក្នុងតំបន់អភិរក្សព្រែកអន្លង់ទន្លា ក្នុងភូមិកោះតាម៉ូវ ឃុំកំពង់ព្រះគរគី ស្រុកបរិបូរណ៌ ។ ជនល្មើសទាំងនោះ ត្រូវបានសមត្ថកិច្ចចម្រុះចាប់ឃាត់ខ្លួន ធ្វើកិច្ចសន្យា អប់រំ ព្រមាន និងដកហូតយកមង បង្ក្រាបដែលជាឧបករណ៍ខុសច្បាប់ទាំង ២វង់ ដើម្បីយកទៅកំទេចចោលផងដែរ […]
ក្រសួងព្រះបរមរាជវាំង ចេញសេចក្តីប្រកាសព័ត៌មានបញ្ជាក់ពីមូលហេតុដែលនាំឲ្យឆេះព្រះរាជដំណាក់ព្រះមហាក្សត្រនៅខេត្តសៀមរាប
សៀមរាប ៖ អគ្គីភ័យឆេះអគារព្រះរាជដំណាក់តូច នៃព្រះរាជដំណាក់របស់ព្រះមហាក្សត្រនៅខេត្តសៀមរាប ត្រូវបានក្រសួងព្រះបរមរាជវាំង ចេញសេចក្តីប្រកាសបញ្ជាក់ពីមូលហេតុហើយ ។ អគារព្រះរាជដំណាក់តូច នៃព្រះរាជដំណាក់របស់ព្រះមហាក្សត្រ ដែលបានរងការឆេះនោះ គឺស្ថិនៅក្បែហ្នឹងទីសក្ការៈព្រះអង្គចេក ព្រះអង្គចម ដែលមានទីតាំងស្ថិតនៅ សង្កាត់ស្វាយដង្គំ, ក្រុងសៀមរាប, ខេត្តសៀមរាប ។ ករណីអគ្គីភ័យឆាឆេះផ្នែកខ្លះនៃអគារព្រះរាជដំណាក់តូច នៃព្រះរាជដំណាក់របស់ព្រះមហាក្សត្រ បានកើតឡើងនៅវេលាម៉ោង ២២ ៖២០នាទីយប់ ថ្ងៃទី១២ ខែមីនា ឆ្នាំ២០២៣ បានធ្វើឲ្យមានការភ្ញាក់ផ្អើលដល់អ្នកនៅទីតាំងជិតនោះ ជាពិសេសអ្នកលេងបណ្ដាញសង្គម ចង់ដឹងពីមូលហេតុពិត នៃការនាំឲ្យការករណីអគ្គីភ័យនេះ ។ យោងតាមសេចក្តីប្រកាសព័ត៌មានរបស់ក្រសួងព្រះបរមរាជវាំង ដែលចេញផ្សាយនៅថ្ងៃទី១៣ មីនា ២០២៣នេះ បានបង្ហាញឲ្យដឹងពីថា មូលហេតុដែលនាំឲ្យមានអគ្គីភ័យនេះ កើតឡើង គឺ«បណ្តាលមកពីការឆ្លងចរន្តអគ្គិសនី (ទុស្សេខ្សែភ្លើង )» ។ ក្នុងសេចក្តីប្រកាសព័ត៌មានដដែល ក្រសួងព្រះបរមរាជវាំង នៅបានសរសេរបង្ហាញពីសេចក្តីសោកស្តាយចំពោះព្រឹត្តិការណ៍ ជាអកុសលនេះ ។ នៅក្នុងសេចក្តីប្រកាសរបស់ព្រះបរមរាជវាំងដដែល ពុំមានបញ្ជាក់ពីទំហំនៃការខូចខាតទ្រព្យសម្បតិនៅក្នុងអគារព្រះរាជដំណាក់ដែលរងការឆេះនោះឡើយ ។ បើតាមការបញ្ជាក់ពីអភិបាលខេត្តសៀមរាប លោក ទៀត សីហា ដែលបានដឹកនាំមន្ត្រីចុះបញ្ជាផ្ទាល់បានឲ្យដឹងថា ករណីអគ្គិសភ័យនេះ […]
អ្នកជំនាញសេដ្ឋកិច្ចកំពុងមានក្តីព្រួយបារម្ភ ក្រោយរយៈពេលត្រឹមតែ ៤៨ម៉ោង នៃការដួលរលំនៃធនាគារធំៗ ចំនួន២ របស់សហរដ្ឋអាមេរិក
បរទេស ៖ ស្ថានភាពសេដ្ឋកិច្ចនៅសហរដ្ឋអាមេរិក ត្រូវបានគេរាយការណ៍ថា កំពុងមានភាពរង្គោះរង្គើរ ក្រោយរយៈពេលត្រឹមតែជាង ៤៨ម៉ោងប៉ុណ្ណោះ នៃការដួលរលំនៃធនាគារធំៗចំនួន២ ។ សេចក្តីរាយការណ៍ពីសារព័ត៌មាន Thestreet បានឱ្យដឹងថា ធនាគារធំៗ ចំនួន ២នៅសហរដ្ឋអាមេរិក បានបិទទ្វារនោះ ទី១ គឺ ធនាគារ Silicon Valley Bank (SVB) និងធនាគារ Crypto Silvergate។ ក្តីព្រួយបារម្ភធំបំផុតនៃការបិទទ្វាររបស់ធនាគារទាំងពីរនេះ ក៏ព្រោះតែធនាគារទាំងនេះ បានបម្រើផ្នែកសេដ្ឋកិច្ចនៅក្នុងវិស័យបច្ចេកវិទ្យា និងឧស្សាហកម្មរូបិយប័ណ្ណគ្រីបតូ ។ សេចក្តីរាយការណ៍បានឲ្យដឹងថា មូលហេតុចម្បងដែលនាំឱ្យធនាគារទាំងពីរដួលរលំវិញនោះគឺ ចំពោះ (SVB) គឺដោយសារ ធនាគារកណ្ដាលអាមេរិកបានតម្លើងអត្រាការប្រាក់ ស្របពេលក្រុមហ៊ុនធុរកិច្ចថ្មីដែលជាអតិថិជនរបស់ធនាគារនេះ ។ មនុស្សជាច្រើន បានសម្រុកដកប្រាក់ចេញ ដើម្បីទប់ទល់វិបត្តិហិរញ្ញវត្ថុរបស់ពួកគេ ដែលនាំឲ្យ Silicon Valley Bank (SVB) អស់សាច់ប្រាក់បង្វិល។ ដោយឡែកចំពោះ Silvergate វិញ កើតឡើងបន្ទាប់ពីធនាគារនេះរងសម្ពាធពីនិយ័តករ និងនាយកដ្ឋានយុត្តិធម៌របស់អាមេរិក ពាក់ព័ន្ធនឹងករណីក្ស័យធនរបស់ក្រុមហ៊ុនគ្រីបតូ FTX […]
ការស្លាប់របស់អធិការរងនគរបាលក្រុងព្រះវិហារ ត្រូវអាជ្ញាធរក្រុងសន្និដ្ឋានថា ជាករណីបាញ់សម្លាប់ខ្លួនឯង
ព្រះវិហារ ៖ អាជ្ញាធរក្រុងព្រះវិហារបានដាក់ការសន្និដ្ឋានថា ករណីស្លាប់របស់អធិការរងនគរ បាលក្រុង ព្រះវិហារ គឺជាការធ្វើអត្តឃាតដោយការបាញ់សម្លាប់ខ្លួនឯងនឹងកាំភ្លើងអាកា។ លោកវរសេនីយ៍ ក្រូច ប៊ុនតូរ អធិការរងក្រុងព្រះវិហារ ដែលទទួលបន្ទុកផែនបទល្មើសគ្រឿងញៀនត្រូវគេប្រទះឃើញស្លាប់ដោយមានស្នាមត្រូវចំទ្រូងជាច្រើនគ្រាប់នៅព្រឹកថ្ងៃទី១០ មីនា ។ ក្រុមជំនាញធ្វើកោសល្យវិច័យ ដឹកនាំដោយព្រះរាជអាជ្ញារងអមសាលាដំបូង ខេត្តព្រះវិហារ លោក គឹម សំឡេង បានចុះការពិនិត្យនិងស្រាវជ្រាវរកការពិតពាក់ព័ន្ធករណីនេះ ។ សេចក្តី សន្និដ្ឋានពីក្រុមធ្វើកោសល្យវិច័យបាននិយាយលោកអធិការរងនោះបានយកកាំភ្លើងអាកា៤៧ ដោយដាក់ចុងកាណុងចំទ្រូងខ្លួនឯង ហើយយកមេជើងសង្កត់កៃបណ្តាលឱ្យត្រូវនឹងគ្រាប់កាំ ភ្លើង ជាច្រើនគ្រាប់ ។ ដងខ្លួនប្រឡាក់ដោយឈាមរបស់អធិការរងរូបនោះ ត្រូវគេប្រទះឃើញស្លាប់ ដោយបានទ្រោបខ្លួនលើចុងកាណុង ហើយសមត្ថកិច្ចបានដាក់ការសង្ស័យថា ជាការធ្វើអត្តឃាត។ មិនមានសេចក្តីរាយការណ៍បញ្ជាក់ថាតើការបាញ់សម្លាប់ខ្លួនឯងនោះ បានជាប់ពាក់ព័ន្ធនឹង បញ្ហាអ្វីនោះទេ។ អាជ្ញាធរបានថ្លែងថាគេកំពុងធ្វើការស៊ើបអង្កេតស្រាវ ជ្រាវរកការពិតពាក់ព័ន្ធ នឹងមូលហេតុនេះ ៕
សមាជិកក្រុមប្រឹក្សាឃុំតាំងក្រសាំង នៃស្រុកទឹកផុស ខេត្តកំពង់ឆ្នាំង ចងកសម្លាប់ខ្លួន
កំពង់ឆ្នាំង ៖ សមាជិកនៃក្រុមប្រឹក្សាឃុំតាំងក្រសាំង នៃស្រុកទឹកផុស ខេត្តកំពង់ឆ្នាំង ម្នាក់ ត្រូវគេប្រទះឃើញស្លាប់ដោយមានខ្សែចំណងជាប់នឹងកនៅក្នុងផ្ទះរបស់គាត់ ក្នុងភូមិតាំងក្រសាំង ។ អាជ្ញាធរដាក់ការសន្និដ្ឋានថា លោក ជៀម សារ៉េត អាយុ៧២ឆ្នាំ បានធ្វើអត្តឃាតខ្លួនដោយ សារតែមានវិបត្តិផ្លូវចិត្ត ពាក់ព័ន្ធនឹងករណីជំពាក់លុយគេច្រើនពេក។ សាកសពរបស់គាត់ដែលមានខ្សែនីឡុងពណ៌ក្រហម ចងកជាប់នឹងដែកធ្នឹម ក្នុងតៀមលក់ដូរមុខផ្ទះ ដែលជាកន្លែងគាត់តែងសម្រាកនោះ ត្រូវបានក្រុមគ្រួសារប្រទះឃើញវេលាម៉ោង ៤ទាបភ្លឺ ថ្ងៃទី១០ មីនា ឆ្នាំ២០២៣ ក្នុងពេលដែលចុះមកបើកតៀមលក់ដូរ ។ អធិការនគរបាលស្រុកទឹកផុសលោកវរសេនីយ៍ឯក ខែម វិបុល បានថ្លែងថា នៅប៉ុន្មានថ្ងៃ មុនពេលដែលមានហេតុការណ៍នេះ បុរសអាយុ ៧២ឆ្នាំនោះ គាត់បានយកម៉ូតូរបស់កូនទៅលក់ ប៉ុន្តែបានប្រាប់កូនគាត់ថា ម៉ូតូបានបាត់ ។ បុរសចំណាស់នោះ ត្រូវគេនិយាយថា បានដើរខ្ចីលុយពីអ្នកភូមិជាច្រើននាក់ប៉ុន្តែគេមិនឱ្យខ្ចី ដែលករណីនោះ បាននាំឱ្យមានការសន្និដ្ឋានថា គាត់មានវិបត្តិផ្លូវចិត្តដោយ សារជំពាក់លុយគេច្រើនពេក ៕
ថ្ងៃដំបូង នៃការរៀបចំពិធីបុណ្យទន្លេលើកទី៧ នៅខេត្តកំពង់ធំ សំរាប់ឆ្នាំ២០២៣នេះ
កំពង់ធំ ÷ ពិធីបុណ្យទន្លេលើកទី៧ នៅខេត្តកំពង់ធំ សំរាប់ឆ្នាំ២០២៣នេះ បានចាប់ផ្តើមរៀបចំហើយ នៅថ្ងៃទី៨ ខែមីនា ឆ្នាំ២០២៣នេះ ។ បុណ្យទន្លេលើកទី៧ នៅខេត្តកំពង់ធំ នឹងប្រារព្ធធ្វើឡើងរយៈ៣ថ្ងៃ គឺចាប់ពីថ្ងៃទី៨ ដល់ថ្ងៃទី១០ ខែមីនា ឆ្នាំ២០២៣ នៅសួនច្បារមាត់ស្ទឹងសែន ។ ពិធីបើកជាផ្លូវការ នឹងធ្វើឡើងក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ។ បុណ្យទន្លេ ត្រូវបានរៀបចំឡើងក្នុងគោលបំណងបំផុសចលនាមហាជនឱ្យចូលរួមក្នុងការ ងារអភិរក្ស និងអភិវឌ្ឍធនធានទន្លេប្រកបដោយនិរន្តរភាព និងចូលរួមសម្រេចយុទ្ធសាស្ត្រពិពិធកម្មទេសចរណ៍ តាមរយៈការបង្កើតព្រឹត្តិការណ៍ទេសចរណ៍ថ្មីៗ សម្រាប់ខេត្តតាមដងទន្លេនៅកម្ពុជា តាំងពីឆ្នាំ២០១៤ មកម្លេះ ។ ពិធីបុណ្យទន្លេ នៅខេត្តកំពង់ធំនេះ មានការរៀបចំតាំងពិព័រណ៍ផលិតផលកសិ-ទេសចរណ៍, មហោស្រពម្ហូបអាហារ និងភេសជ្ជៈ, ការសម្ដែងសិល្បៈវប្បធម៌ និងប្រគំតន្ត្រី, ប្រដាល់គុនខ្មែរ និងកីឡាផ្សេងៗ ដើម្បីបង្កការសប្បាយរីករាយដល់ប្រជាពលរដ្ឋ និងជាការទាក់ទាញទេសចរជាតិ និងអន្តរជាតិចូលមកទស្សនាកម្សាន្តកាន់តែច្រើនថែមទៀត ជាពិសេសដើម្បីបង្ហាញពីប្រពៃណីវប្បធម៌ខ្មែរយើង ។ គណៈកម្មការអន្តរក្រសួងដើម្បីរៀបចំពិធីបុណ្យទន្លេលើកទី៧ និងក្រសួងទេសចរណ៍បានចំសិក្ខាសា លាផ្សព្វផ្សាយ និងណែនាំដល់ម្ចាស់ និងតំណាងមូលដ្ឋានអាជីវកម្មទេសចរណ៍ឱ្យចូលរួមពង្រឹងគុណភាពសេវាកម្មទេសចរណ៍ជូនភ្ញៀវទេសចរ […]
រដ្ឋបាលរាជធានីភ្នំពេញបានចេញវិធានការនិងការណែ ៥ចំណុច ដើម្បីបញ្ចៀសការកកស្ទះចរាចរណ៍នៅម្តុំការដ្ឋានស្ពានអាកាសព្រះមុនីវង្សក្នុងអំឡុងពេលកំពុងសាងសង់ស្ពាន
ភ្នំពេញ ៖ ការកកស្ទះចរាចរណ៍ខ្លាំងនៅបរិវេណការដ្ឋានសាងសង់ស្ពានអាកាសព្រះមុនីវង្ស បានប្រញាប់ឲ្យរដ្ឋបាលរាជធានីភ្នំពេញបើកកិច្ចប្រជុំបន្ទាន់មួយដើម្បីរកដំណោះស្រាយ ។ លទ្ធផលនៃកិច្ចប្រជុំ ដែលរដ្ឋបាលរាជធានីបានរៀបចំឡើងកាលពីថ្ងៃទី១ ខែមីនា ឆ្នាំ២០២៣ នោះគឺរដ្ឋបាលរាជធានីភ្នំពេញបានចេញវិធានការ និងការណែនាំមួយចំនួន ដើម្បីដោះស្រាយការកកស្ទះចរាចរណ៍ដែលរួមមានដូចជា ៖ ១. ក្រុមហ៊ុនសាងសង់ត្រូវធ្វើការបង្រួមរបងហ៊ុំព័ទ្ធការដ្ឋានឲ្យបានតូចបំផុត តាមលទ្ធភាពដែលអាចធ្វើបាន ដើម្បីទុកលំហូរចរាចរណ៍បានធំ ។ ២. ស្នងការដ្ឋាននគរបាលរាជធានីភ្នំពេញ អធិការដ្ឋាននគរបាលខណ្ឌ និងអាជ្ញាធរពាក់ព័ន្ធត្រូវបន្ថែមកម្លាំងសមត្ថកិច្ចប្រចាំការ ដើម្បីដោះស្រាយបញ្ហាកកស្ទះចរាចរណ៍នៅពេលចរាចរណ៍មមាញឹក។ ៣. ប្រជាពលរដ្ឋ ដែលកំពុងតែប្រើប្រាស់ចិញ្ចើមផ្លូវ សម្រាប់ធ្វើការតាំងលក់ក្នុងការបម្រើឲ្យអាជីវកម្មលក់ដូររបស់ខ្លួន ត្រូវបញ្ឈប់ការប្រើប្រាស់ចិញ្ចើមផ្លូវទាំងនោះ ចំណែកប្រជាពលរដ្ឋអ្នកទិញមិនត្រូវឈប់ចតលើទ្រូងផ្លូវឡើយ ហើយសមត្ថកិច្ចនឹងធ្វើការចុះរៀបចំសណ្តាប់ធ្នាប់ ដោយចាត់វិធានការរដ្ឋបាលចំពោះអ្នកដែលនៅតែប្រើប្រាស់ចិញ្ចើមផ្លូវធ្វើការលក់ដូរ ។ ៤.មន្ទីរសាធារណការ និងដឹកជញ្ជូនរាជធានី ត្រូវធ្វើការសិក្សាដាក់សាឡាងដើម្បីឲ្យប្រជាពលរដ្ឋធ្វើដំណើរពីកោះនរា ឆ្ពោះមកដំបន់ជ្រោយចង្វារ( សណ្ឋាគាររ៉េស៊ីដង់សុខាភ្នំពេញ ) បន្ថែមលើសាឡាងចម្លងពីកោះនរា ឆ្ពោះមកកោះពេជ្រដែលមានបច្ចុប្បន្ន ។ ៥.នៅពេលចរាចរណ៍មមាញឹក សូមប្រជាពលរដ្ឋដែលមានលទ្ធភាព និងចេះប្រើប្រាស់ App Google Maps សូមប្រើប្រាស់ជាជំនួយក្នុងការពិនិត្យមើលការកកស្ទះចរាចរណ៍នៅតំបន់ការដ្ឋានសាងសង់ស្ពានអាកាសព្រះមុនីវង្ស ពេលឃើញមានការកកស្ទះចរាចរណ៍ ជ្រើសរើសប្រើប្រាស់ផ្លូវផ្សេងប្រសិនបើមានជម្រើស ។ រដ្ឋបាលរាជធានីភ្នំពេញ បានធ្វើការស្នើសុំឲ្យពលរដ្ឋដែលធ្វើដំណើរឆ្លងកាត់តំបន់នោះ សូមមានការយោគយល់ និងអធ្យាស្រ័យខ្ពស់ […]