តួលេខមនុស្សស្លាប់បានកើនដល់១៦នាក់ហើយ និងជាង៥០នាក់ បានរងរបួស ក្នុងករណីអគ្គិភ័យនៃអគារកាស៊ីណូ នៅខេត្តបន្ទាយមានជ័យ
បន្ទាយមានជ័យ ៖ សេចក្តីរាយការណ៍ចុងក្រោយ មនុស្សស្លាប់ បានកើនដល់ ១៦នាក់ហើយ និងជាង ៥០នាក់ផ្សេងទៀតបានរងរបួសក្នុងគ្រោះថ្នាក់អគ្គិភ័យនៃអគារកាស៊ីណូ នៅខេត្តបន្ទាយមានជ័យ ។ គួបញ្ជាក់ថា នាវេលាម៉ោង ១១៖៣០នាទីយប់ថ្ងៃទី២៨ ខែធ្នូ ឆ្នាំ២០២២ យប់មិញនេះ មានករណីអគ្គិភ័យបានឆាបឆេះអគារកាស៊ីណូដាយមិន ដែលស្ថិតក្នុងភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ សេចក្តីរាយការណ៍ពីអភិបាលខេត្តបន្ទាយមានជ័យ លោក អ៊ុំ រាត្រី បានឲ្យដឹងថា បើទោះបីជាអគ្គិភ័យអាចគ្រប់ គ្រងបានទាំងស្រុងហើយមែន ប៉ុន្តែកម្លាំងសមត្ថកិច្ចនៅមិនទាន់បញ្ចប់ប្រតិបត្តិការនៅឡើយទេ ដោយកំពុងបន្តស្រាវជ្រាវរុករកជនរងគ្រោះ ដែលបានជាប់គាំងនៅក្នុងអគារនៅពេលដែលភ្លើងកំពុងឆេះ។ យោងរបាយការណ៍របស់ស្នងការនគរបាលខេត្តបន្ទាយមានជ័យ លោកឧត្តមសេនីយ៍ទោ សិទ្ធិ ឡោះ បានបញ្ជាក់ថា អគារកាស៊ីណូដាយមិន ដែលបានរងការឆាបឆេះនោះ មានបុគ្គ លិកបម្រើការប្រុសស្រីប្រហែលជាង៤០០នាក់ ប៉ុន្តែការខូចខាតយ៉ាងណានោះ មិនទាន់អាចវាយតម្លៃបាននៅឡើយទេ។ ប្រតិបត្តិការនៅកន្លែងកើតហេតុ ធ្វើឡើងដោយកម្លាំងរបស់គណៈកម្មាធិការជាតិគ្រប់គ្រងគ្រោះមហន្ដរាយ សហការជាមួយកងប្រតិបត្តិការរុករក និងសង្គ្រោះ ៧១១ នៃកងពលតូចលេខ៧០, កម្លាំងអាជ្ញាធរខេត្តមាននគរបាល អាវុធហត្ថ និងយោធា ព្រមទាំងមានការចូលរួមពីកងកម្លាំងសមត្ថកិច្ចរបស់ថៃផងដែរ៕
មនុស្សយ៉ាងហោច ១១នាក់ បានស្លាប់ និងជាង៣០នាក់ផ្សេងទៀតបានរងរបួស ក្នុងករណីអគ្គិភ័យនៃអគារកាស៊ីណូ នៅខេត្តបន្ទាយមានជ័យ
បន្ទាយមានជ័យ ៖ សេចក្តីរាយការណ៍ចុងក្រោយគិតត្រឹមថ្ងៃត្រង់នេះបានឲ្យដឹងថា យ៉ាងហោចមានមនុស្ស១១នាក់ ត្រូវបានស្លាប់ និងជាង៣០នាក់ផ្សេងទៀតបានរងរបួស ក្នុងគ្រោះថ្នាក់អគ្គិភ័យនៃអគារកាស៊ីណូ មួយកន្លែងនៅខេត្តបន្ទាយមានជ័យ ។ គួបញ្ជាក់ថា នាវេលាម៉ោង ១១៖៣០នាទីយប់ថ្ងៃទី២៨ ខែធ្នូ ឆ្នាំ២០២២ យប់មិញនេះ មានករណីអគ្គិភ័យបានឆាបឆេះអគារកាស៊ីណូដាយមិន ដែលស្ថិតក្នុងភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ សេចក្តីរាយការណ៍ពីអភិបាលខេត្តបន្ទាយមានជ័យ លោក អ៊ុំ រាត្រី បានឲ្យដឹងថា គិតត្រឹមថ្ងៃត្រង់ ថ្ងៃទី២៩ ខែធ្នូ ឆ្នាំ២០២២ នេះ អគ្គិភ័យអាចគ្រប់គ្រងបានទាំង ស្រុងហើយ ប៉ុន្តែកម្លាំងសមត្ថកិច្ចនៅមិនទាន់បញ្ចប់ប្រតិបត្តិការនៅឡើយទេ ដោយកំពុងស្រាវជ្រាវរុករកជនរងគ្រោះ ដែលបានជាប់គាំងនៅក្នុងអគារនៅពេលដែលភ្លើងកំពុងឆេះ។ យោងរបាយការណ៍របស់ស្នងការនគរបាលខេត្តបន្ទាយមានជ័យ លោកឧត្តមសេនីយ៍ទោ សិទ្ធិ ឡោះ បានបញ្ជាក់ថា អគារកាស៊ីណូដាយមិន ដែលបានរងការឆាបឆេះនោះ មានបុគ្គ លិកបម្រើការប្រុសស្រីប្រហែលជាង៤០០នាក់ ប៉ុន្តែការខូចខាតយ៉ាងណានោះ មិនទាន់អាចវាយតម្លៃបាននៅឡើយទេ។ ប្រតិបត្តិការនៅកន្លែងកើតហេតុ ធ្វើឡើងដោយកម្លាំងរបស់គណៈកម្មាធិការជាតិគ្រប់គ្រងគ្រោះមហន្ដរាយ សហការជាមួយកងប្រតិបត្តិការរុករក និងសង្គ្រោះ ៧១១ នៃកងពលតូចលេខ៧០, កម្លាំងអាជ្ញាធរខេត្តមាននគរបាល អាវុធហត្ថ […]
កម្ពុជាគ្រោងកសាងពុទ្ធបដិមាកំពស់១០៨ម៉ែត្រលើភ្នំបូកគោ ដែលនឹងក្លាយជាព្រះពុទ្ធបដិមាដ៏ធំបំផុត ក្នុងចំណោមប្រទេសទាំង១០ របស់អាស៊ាន
កម្ពុជាគ្រោងនឹងកសាងពុទ្ធបដិមាកំពស់ ១០៨ម៉ែត្រ នៅលើកំពូលភ្នំបូកគោ ក្នុងតំបន់វាលស្រែ៥០០ ដែលនឹងក្លាយជាព្រះពុទ្ធបដិមាដ៏ធំបំផុត ក្នុងចំណោមប្រទេសទាំង១០ របស់អាស៊ាន ។ ព្រះពុទ្ធបដិមា ដែលនឹងត្រូវសាងសង់នោះ មានទម្រង់ព្រះភ្នែន ដែលនឹងរៀបចំធ្វើពិធីក្រុងពាលីបញ្ចុះបឋមសិលាបើកការដ្ឋានសាងសង់នាថ្ងៃទី៤ ខែមករា ឆ្នាំ ២០២៣ សប្តាហ៍ក្រោយនេះហើយ ។ យោងតាមលិខិតរបស់ក្រសួងរៀបចំដែនដី នគរូបនីយកម្ម និងសំណង់ ជំរាបជូនអគ្គនាយកក្រុមហ៊ុន សុខា អូតែល អ្នកឧកញ៉ា សុខ គង់ នៅថ្ងៃទី២៦ ធ្នូ ២០២២ បានឲ្យដឹងថា ពិធីក្រុងពាលីបញ្ចុះបឋមសិលាបើកការដ្ឋានសាងសង់ ព្រះពុទ្ធបដិមាកម្ពស់ ១០៨ម៉ែត្រនេះ នឹងធ្វើឡើងនៅលើខ្នងភ្នំបូកគោ ក្នុងឧទ្យានជាតិព្រះមុនីវង្ស “បូកគោ” ខេត្តកំពត។ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឧបនាយករដ្ឋមន្ត្រី លោកជា សុផារ៉ា និងជាតំណាងដ៏ខ្ពង់ខ្ពស់សម្ដេចអគ្គមហាសនាបតីតេជោ ហ៊ុន សែន និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន នឹងអញ្ជើញជាអធិបតីក្នុងពិធីក្រុងពាលីបញ្ចុះបឋមសិលាបើក ការដ្ឋានសាងសង់ព្រះពុទ្ធបដិមានៅលើខ្នងភ្នំបូកគោនោះ នៅថ្ងៃទី៤ មករា […]
អតីតផ្លូវព្រះបាទអង្គឌួង ឬផ្លូវជាតិលេខ៤១ ពីថ្នល់ទទឹង ខេត្តកណ្តាល ដល់ស្រុកជុំគិរី ខេត្តកំពត នឹងត្រូវស្ដារ និងលើកកម្ពស់កម្រិតគុណភាពឡើងវិញហើយ
កំពង់ស្ពឺ : អតីតផ្លូវព្រះបាទអង្គឌួង ឬផ្លូវជាតិលេខ៤១ ចាប់ពីថ្នល់ទទឹង ត្រង់ចំណុចប្រសប់ផ្លូវជាតិលេខ៤ ដល់ស្រុកជុំគិរី ខេត្តកំពត បានបើកការដ្ឋានស្ដារ និងលើកកម្ពស់កម្រិតគុណភាព សាជាថ្មីឡើងវិញហើយ ដោយគ្រោយចំណាយថវិការ ៦៧ លានដុល្លារអាមេរិក ។ ពិធីបើកការដ្ឋានស្ដារ និងលើកកម្ពស់កម្រិតគុណភាព ផ្លូវជាតិលេខ៤១ បានប្រារព្ធធ្វើឡើងក្រោមអធិបតីភាព សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា អមដំណើរដោយរដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល និងចូលរួមដោយឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា លោក វ៉ាង វិនធៀន (Wang Wentian) និងក្រសួងស្ថាប័នរាជរដ្ឋាភិបាល អាជ្ញាធរខេត្តពាក់ព័ន្ធ ភ្ញៀវកិត្តិយសជាតិ-អន្តរជាតិ ប្រជាពលរដ្ឋ លោកគ្រូ អ្នកគ្រូ ព្រមទាំងសិស្សានុសិស្សផងដែរ។ ពិធីនេះបានប្រារព្វធ្វើឡើង នៅស្រុកគងពិសី ខេត្តកំពង់ស្ពឺ នៅព្រឹកថ្ងៃទី២៦ ខែធ្នូ ឆ្នាំ២០២២នេះ។ ការស្ដារ និងលើកកម្ពស់កម្រិតគុណភាពជាថ្មីឡើងវិញនេះ ក្រោមឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន ។ យោងតាមប្រសាសន៍ថ្លែងរបាយការណ៍របស់លោកទេសរដ្ឋមន្ត្រី ស៊ុន ចាន់ថុល បានឲ្យដឹងថា […]
រាជរដ្ឋាភិបាលកម្ពុជា សម្រេចង្កើតក្រុងឧដុង្គម៉ែជ័យ និងស្រុកសាមគ្គីមុនីជ័យ ថ្មីចេញពីស្រុកស្រុកឧដុង្គ នៃខេត្តកំពង់ស្ពឺ
ភ្នំពេញ៖ រាជរដ្ឋាភិបាលកម្ពុជា បានចេញអនុក្រឹត បំបែកស្រុកឧដុង្គនៃខេត្តកំពង់ស្ពឺទៅជាក្រុង១ និងស្រុក១ ផ្សេងគ្នា ។ យោងតាមព្រះរាជក្រឹត របស់រាជរដ្ឋាភិបាល ដែលចេញផ្សាយនៅថ្ងៃទី២៣ ខែធ្នូ ឆ្នាំ២០២២ ល្ងាចថ្ងៃម្សិលមិញ ក្រុង និងស្រុក ដែលបង្កើតបំបែកចេញពីស្រុកឧដុង្គ គឺរួមមានក្រុងឧដុង្គម៉ែជ័យ និងស្រុកសាមគ្គីមុនីជ័យ នៃខេត្តកំពង់ស្ពឺ។ អនុក្រឹត្យដដែល របស់រាជរដ្ឋាភិបាល បានឲ្យដឹងទៀតថា ក្រុងឧដុង្គម៉ែជ័យ នៃខេត្តកំពង់ស្ពឺដែលទើបនឹងបង្កើតនោះ នឹងមានសង្កាត់ចំនួន ៥ គឺរួមាន សង្កាត់វាំងចាស់, សង្កាត់វាលពង់, សង្កាត់ត្រាចទង, សង្កាត់ព្រះសែ និងសង្កាត់ក្សេមក្សាន្ដ ។ ចំពោះទីតាំងរដ្ឋបាល នៃក្រុងឧដុង្គម៉ែជ័យ នឹងស្ថិតនៅក្នុងសង្កាត់វាលពង់ ។ ចំណែក ស្រុកសាមគ្គីមុនីជ័យ នៃខេត្តកំពង់ស្ពឺ នោះផងដែរ មានឃុំចំនួន១០ គឺ ឃុំចាន់សែន, ឃុំជើងរាស់, ឃុំជំពូព្រឹក្ស, ឃុំក្រាំងចេក, ឃុំមានជ័យ, ឃុំព្រៃក្រសាំង, ឃុំយុទ្ធសាមគ្គី, ឃុំដំណាក់រាំង, ឃុំពាំងល្វា និងឃុំភ្នំតូច។ ទីតាំងរដ្ឋបាល ស្រុកសាមគ្គីមុនីជ័យ […]
សម្តេចតេជោថ្លែងថា ផ្លូវល្បឿនលឿនភ្នំពេញ-ព្រះស៊ីហនុ អាចឲ្យសម្រួលដល់សម្តេចធ្វើការងារនៅភ្នំពេញនៅពេលព្រឹក និងអាចកម្សាន្តនៅខេត្តព្រះសហនុក្នុងពេលល្ងាចបាន
ព្រះសីហនុ ៖ សម្តេចតេជោហ៊ុន សែន នាយករដ្ឋមន្រ្តី នៅល្ងាចមិញនេះ បានបង្ហាញរូបភាពបញ្ជាក់ពីសកម្មភាពលំហែកាយនៅខេត្តព្រះសីហនុ របស់សម្តេចជាច្រើនសន្លឹក បន្ទាប់ពីបំពេញការងារពីព្រឹកនៅរាជធានីភ្នំពេញរួចរាល់ ។ ការបង្ហាញរូបភាពនេះ បានធ្វើឡើងតាមរយៈហ្វេសប៊ុកផ្លូវការរបស់សម្តេច នៅល្ងាចថ្ងៃទី២១ ធ្នូ ២០២២នេះ ។ សម្តេចបានសរសេរនៅហ្វេសប៊ុកផ្ទាល់ខ្លួនសម្តេចថា «ព្រឹកប្រជុំ និងធ្វើការងារនៅភ្នំពេញ បាយថ្ងៃត្រង់ហើយ ពេលរសៀលធ្វើដំ ណើរតាមផ្លូវល្បឿនលឿនមកមុជទឹកសមុទ្រនៅក្រុងព្រះសីហនុ ដើម្បីស្អែកនេះចូលរួមសម្ភោធដាក់ឲ្យប្រើប្រាស់ផ្លូវមួយខ្សែទៀត»។ កម្ពុជាតាំងពីបើកឲ្យដំណើរផ្លូវល្បឿនលឿនភ្នំពេញ-ព្រះសីហនុ ដែលជាផ្លូវល្បឿនលឿនដំបូងបំផុតនៅកម្ពុជានោះមក ការធ្វើដំណើរពីរាជធានីភ្នំពេញ ទៅខេត្តព្រះសីហនុ ត្រូវចំណាយពេលវេលា ត្រឹមតែ ២ ទៅ៣ម៉ោងប៉ុណ្ណោះ កាត់បន្ថយពេលវេលានៃការធ្វើដំណើរបានយ៉ាច្រើន បើប្រៀបធៀបនឹងផ្លូវធម្មតា ។ ការធ្វើដំណើរតាមផ្លូវធម្មតាមក្នុងទិសដៅពីរាជធានីភ្នំពេញទៅខេត្តព្រះស៊ីហនុកន្លងមក គឺត្រូវចំណាយពេលយ៉ាងហោចពី៥ ទៅ ៦ម៉ោង ដែលមិនអាចសម្រួលដល់ការធ្វើកិច្ចការពីរឬច្រើន ក្នុងពេលតែមួយថ្ងៃបានឡើយ ប្រសិនមានករណីចាំបាច់នោះ៕
ក្រសួងវប្បធម៌កម្ពុជា ចាប់ផ្តើមបើកប្រតិបត្តិការស៊ើបអង្កេត និងដោះស្រាយតាមវិធានការច្បាប់ហើយ ជុំវិញករណីវាយកុដិបុរាណនៅវត្តឧណ្ណាលោម
ភ្នំពេញ ៖ ការវាយកុដិបុរាណ ចំនួន៣កន្លែងក្នុងវត្តឧណ្ណាលោម រហូតដល់បាត់បង់រូបភាពដើមទាំង ស្រុង ត្រូវបានក្រសួងវប្បធម៌ និងវិចិត្រសិល្បៈ ចាប់ផ្តើមបើកប្រតិបត្តិការស៊ើបអង្កេត និងដោះស្រាយតាមវិធានការច្បាប់ហើយ ។ សកម្មភាពនៃវាយកម្ទេចកុដិបុរាណ៣កន្លែង ដែលអាយុជិត ១០០ឆ្នាំទៅហើយ នៅវត្តឧណ្ណាលោម ក្រោមហេតុផលដើម្បីយកទីតាំងកសាងព្រះចេតិយ បានរងការរិះគន់យ៉ាងខ្លាំងពីបណ្តាញសង្គម ដែលនាំឲ្យក្រសួងវប្បធម៌ បានចេញលិខិតបញ្ឈប់ជាបន្ទាន់កាលពីថ្ងៃទី១២ ធ្នូ ២០២២ កន្លងទៅ ប៉ុន្តែបានយឺតពេលទៅហើយ ។ យោងតាមសេចក្តីជូនដំណឹងក្រសួងវប្បធម៌ និងវិចិត្រសិល្បះ ដែលចេញផ្សាយនៅថ្ងៃទី២១ ធ្នូ ២០ ២២នេះ បានឲ្យដឹងថា ក្នុងករណីវាយកុដិនេះ « ក្រសួងវប្បធម៌ និងវិចិត្រសិល្បៈ នឹងសហការជិតស្និតជាមួយអាជ្ញាធរដែនដី និងស្ថាប័នពាក់ព័ន្ធដើម្បីធ្វើការស៊ើបអង្កេត និងដោះស្រាយតាមវិធានការច្បាប់ » ។ ក្រសួងវប្បធម៌ បានឲ្យដឹងទៀតថា ក្នុងកំលុងពេលនៃការដោះស្រាយនេះ ក្រសួងមិនអនុញ្ញាតឲ្យមានការសាងសង់សំណង់អ្វីថ្មីឡើយ រហូតដល់នីតិវិធីនានាដែលមានជាធរមានត្រូវបានដោះស្រាយបញ្ចប់រួចរាល់។ សូមជំរាបថា កុដិបុរាណចំនួន ៣ គឺកុដ្ឋ លេខ៤៣, លេខ៤៤ និងលេខ៤៥ ក្នុងវត្តឧណ្ណាលោម ដែលបានកសាងនាកំឡុងឆ្នាំ១៩៣០ កន្លងមកត្រូវបានក្រសួងបានចាត់ទុកជាសម្បត្តិបេតិក […]
អភិបាលខេត្តបាត់ដំបង ចាក់ទុកការអភិរក្សសំណង់បេតិកភណ្ឌ នៃខេត្តបាត់ដំបង គឺជាការលើកស្ទួយវិស័យទេសចរណ៍ និងកំណើនសេដ្ឋកិច្ចជាតិ
បាត់ដំបង៖ “ការយល់ដឹង ការលើកតម្លៃមរតកស្ថាបត្យកម្ម និងការរៀបចំកុ្រងនៅខេត្តបាត់ដំបង” គឺជាប្រ ធានបទនៃសិក្ខាសាលា ដ៏មានសារសំខាន់មួយ ដែលរៀបចំដោយរដ្ឋបាលខេត្តបាត់ដំបង ។ គោលបំណងចំបងនៃការរៀបចំអង្គសិក្ខាសាលានេះឡើង ដើម្បីសិក្សាស្វែងយល់បន្ថែមពីប្រ ភេទសំណង់បុរាណ នៅក្នុងខេត្តបាត់ដំបងដ៏ល្បីល្បាញរបស់ខេត្ត ។ សិក្ឋាសាលានេះបានរៀបចំធ្វើឡើង កាលពីថ្ងៃទី១៩ ធ្នូ ២០២២ ម្សិលមិញ ក្រោមការអញ្ជើញចូលរួមបើកកម្មវិធី ដោយអភិបាលខេត្តបាត់ដំបង ឯកឧត្តម សុខ លូ ។ សិក្ខាសាលានេះផងទៀត មានការសហការរៀបចំដោយសាកលវិទ្យាល័យភូមិន្ទវិចិត្រសិល្បៈ, សាលាស្ថាបត្យកម្មជាតិជាន់ខ្ពស់ទូលូស៍ និងសាកលវិទ្យាល័យទូលូស៍ហ្សង់ហ្សូរ៉េស, សាកលវិទ្យាល័យជាតិបាត់ដំបង ក្រោមការឧបត្ថម្ភដោយស្ថានទូតបារាំងប្រចាំប្រទេសកម្ពុជា តំបន់ អុកស៊ីតានី សាធារ ណរដ្ឋបារាំង និងដៃគូរពាក់ព័ន្ធ ក្រោមការគាំទ្រដោយក្រសួងវប្បធម៌ និងវិចិត្រសិល្បៈ និងរដ្ឋបាលខេត្តបាត់ដំបង ។ ខេត្តបាត់ដំបង ត្រូវគេបានស្គាល់គ្រប់គ្នាថា មិនត្រឹមតែជាខេត្តជង្រុកស្រូវ និងសំបូរដោយសម្បត្តិធម្មជាតិប៉ុណ្ណោះទេ ប៉ុន្តែបន្ថែមលើសម្បត្តិធម្មជាតិដ៏សំបូរបែប និងសម្បត្តិវប្បធម៌ប្រវត្តិសាស្ត្រដ៏មានតម្លៃមហាសាលជាច្រើនថែមទៀតមានដូចជា៖ សំណង់ប្រាសាទបុរាណ សំ ណង់ផ្ទះខ្មែរបុរាណ ផ្ទះល្វែងប្រមាណជាង ៨០០ខ្នង ដែលបានបន្សល់ទុកតាំងពីសម័យអា ណានិគមបារាំង សំណង់អគាររដ្ឋបាលនានា ផ្សារណាត់ […]
ប្រវត្តិរទេះគោ ដែលមានវត្តមានដំបូងបំផុតនៅលើទឹកដីនៃមាតុភូមិកម្ពុជា
រទេះគោ ត្រូវបានប្រជាពលរដ្ឋខ្មែរស្គាល់សឹងតែគ្រប់គ្នា ជាពិសេសប្រជាកសិករប្រកបរបធ្វើសែ្រចម្ការ ដែលពួកគាត់តែងយកទៅប្រើប្រាស់ជាយានជំនិះ ឬជាមធ្យោបាយដឹកជញ្ជូន ដូចជា ដឹកស្រូវ ដឹកអង្ករ ដឹកចម្បើង ដឹកកណ្តាប់នោះជាដើម ។ យោងតាមប្រវត្តិវិទូ រទេះគោបានមានវត្តមាននៅលើទឹកដីមាតុភូមិកម្ពុជា និងប្រជាជនខ្មែរបានចេះប្រើរទេះគោតាមឥណ្ឌាចាប់តាំងពីសតវត្សទីនៃគ្រិស្តសករាជមកម្លេះ ក៏ព្រោះតែការនិយមពីជនជាតិខែ្មរក្នុងការធ្វើជាយានជំនិះទៅទីជិតឆ្ងាយនៃអ្នកស្រុកនៅសម័យនេះ និងពលរដ្ឋភាគច្រើនជាកសិករផង។ រទេះគោ គឺជាសម្បត្តិបេតិកភណ្ឌជាតិដែលកើតមានតាំងពីមុនសម័យអង្គររាប់ពាន់ឆ្នាំមកហើយ គឺជាស្នាដៃបុព្វបុរសខ្មែរ ជាក់ស្ដែងដូចមានរូបចម្លាក់នៅលើប្រាសាទបុរាណមាន រទេះគោ រទេះសាឡីសម្រាប់ព្រះរាជា រទេះសេះចម្បាំង និងរទេះដឹកកាំភ្លើងធំជាដើម។ បើតាមការឲ្យដឹងពីប្រវត្តិវិទូខ្មែរលោកបណ្ឌិត មីសែល ត្រាណេ ជនជាតិខ្មែរក្នុងអាណាចក្រនគរភ្នំ ដោយសារស្ថិតក្រោមឥទ្ធិពលនៃវប្បធម៍ឥណ្ឌា ខ្មែរក៍បានខ្ចីយានជំនិះនេះពីពួកឥណ្ឌាមកប្រើប្រាស់ ចាប់តាំងពីដើមសតវត្សរ៍ទី១ នៃគ.ស មកម្លេះ ។ ហើយប្រវត្តិនៃរទេះគោនេះ ត្រូវបានអ្នកប្រវត្តិវិទូគូសបញ្ជាក់ថា បានមានវត្តមានក្នុងប្រទេសឥណ្ឌា តាំងពីសម័យវេទនិយមមកម្លេះ ពោលគឺរវាង ១៧០០ ឆ្នាំមុន គ.ស ដែលតាមរយៈឯកសារជាសំណេរដោយផ្ទាល់ដៃមួយចំនួនដូចជា គម្ពីរមនោគមន៍វិជ្ជាសាសនា និងក្បួនបច្ចេកទេសដូចជា ក្បួនសង្រ្គាមសាស្រ្តជាដើម ។ នៅក្នុងប្រទេសឥណ្ឌានាសម័យនោះ មានរទេះពីរប្រភេទ គឺរទេះគោសម្រាប់ដឹកជញ្ជូន និងរទេះសេះសម្រាប់ធ្វើសឹកសង្រ្គាម ។ រូបភាពរបស់រទេះ ត្រូវបានគេឆ្លាក់នៅលើថ្ម ចាប់តាំងពីឆ្នាំ […]
មណ្ឌលព្រះកម្មដ្ឋាន « ព្រះករុណា ព្រះមហាក្សត្រ សីហមុនី » ដ៏ធំមួយកន្លែងនៅខេត្តសៀមរាប បានដាក់ឲ្យដំណើរការហើយ
សៀមរាប ៖ មណ្ឌលព្រះកម្មដ្ឋាន « ព្រះករុណា ព្រះមហាក្សត្រ សីហមុនី » ដ៏ធំមួយនៅខេត្តសៀមរាប បានដាក់ឲ្យដំណើរការប្រើប្រាស់ហើយ ក្រោមការស្តេចយាងជាព្រះរាជាធិបតីដ៏ខ្ពង់ខ្ពស់បំផុតរបស់ព្រះមហាក្សត្រខ្មែរ ។ មណ្ឌលព្រះកម្មដ្ឋាន«ព្រះករុណា ព្រះមហាក្សត្រ សីហមុនី» ស្ថិតនៅលើផ្ទៃដីទំហំជាង ៤,០០០ម៉ែត្រការ៉េ ដែលមានចម្ងាយប្រហែល ៥គីឡូម៉ែត្រ ពីប្រាសាទអង្គរតូច ឬប្រហែល ៣គីឡូម៉ែត្រ ពីប្រាសាទអង្គរធំ ស្ថិតនៅភូមិគោកបេង សង្កាត់គោកចក ក្រុងសៀមរាប។ មណ្ឌលព្រះកម្មដ្ឋាននេះ បានផ្តួចផ្តើមកសាងឡើងដោយ សម្តេចព្រះមហាសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា សម្តេចព្រះអភិសេរីសុគន្ធា មហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី ដែលបានចាប់ផ្តើមកសាងដំបូង នៅថ្ងៃទី១០ ខែមីនា ឆ្នាំ២០២២ ។ ព្រះរាជពិធីបុណ្យសម្ពោធមណ្ឌលព្រះកម្មដ្ឋាន« ព្រះករុណា ព្រះមហាក្សត្រ សីហមុនី» នេះ ត្រូវបានគេរៀបចំធ្វើឡើងនៅថ្ងៃទី១៨ ខែធ្នូ ឆ្នាំ២០២២ម្សិលមិញ ដោយព្រះមហាក្សត្រនៃព្រះរាជាណាចក្រកម្ពុជា សម្តេចព្រះបរមនាថ នរោត្តម សីហមុនី ទ្រង់បានសព្វព្រះរាជហឫទ័យ ស្តេចយាងជាព្រះរាជាធិបតីដ៏ខ្ពង់ខ្ពស់បំផុត […]