ជនសង្ស័យប្រើហិង្សាកាប់ព្រះសង្ឃនឹងកាំបិតឲ្យរងរបួសធ្ងន់ នៅខេត្តកំពង់ធំ ត្រូវបានសមត្ថកិច្ចឃាត់ខ្លួនបានក្រោយការរត់គេចអស់រយៈពេល២៤ម៉ោង
កំពង់ធំ ៖ ជនសង្ស័យដែលបានរត់គេចខ្លួនអស់រយៈពេល២៤ម៉ោង ក្រោយប្រើហិង្សាកាប់ព្រះ សង្ឃនឹងកាំបិតឲ្យរងរបួសធ្ងន់ នៅខេត្តកំពង់ធំ ត្រូវបានសមត្ថកិច្ចចាប់ខ្លួនបានហើយ នៅថ្ងៃទី ១៨ កញ្ញា ២០២៣នេះ ។ អធិការស្តីទីនគរបាលស្រុកស្ទោង លោកវរៈសេនីយ៍ទោ ជឹម រីណា បានប្រាប់អ្នកសារព័ត៌មានឲ្យដឹងថា ហេតុការណ៍កាប់ព្រះសង្ឃនេះ បានកើតឡើងកាលពីថ្ងៃទី១៧ កញ្ញា ម្សិលមិញ នៅក្នុងវត្តស្ពឺជើង ស្ថិតក្នុងភូមិម្សាក្រងជើង ឃុំម្សាក្រង ស្រុកស្ទោង ខេត្តកំពង់ធំ ។ ក្រោយតាមស្វែងរក និងស្រាវជ្រាវរកកន្លែងលាក់ខ្លួន កម្លាំងប៉ុស្តិ៍នគរបាលរដ្ឋបាលឃុំទ្រា បានសហការជាមួយកម្លាំងប៉ុស្តិ៍នគរបាលរដ្ឋបាលឃុំកំពង់ចិនខាងជើង បានឃាត់ខ្លួនជនសង្ស័យបាន នៅចំណុចវាលស្រែមួយកន្លែង ស្ថិតក្នុងភូមិស្លា ឃុំទ្រា ស្រុកស្ទោង ខេត្តកំពង់ធំ។ អធិការស្តីទីនគរបាលស្រុកស្ទោង បានឲ្យដឹងទៀតថា ប្រតិបត្តិការចុះស្រាវជ្រាវ និងឈានដល់ការឃាត់ខ្លួនជនសង្ស័យម្នាក់ ដែលបានផ្ទុះអំពើហឹង្សាយកកាំបិតកាប់ព្រះសង្ឃមួយព្រះអង្គ ឲ្យរងរបួសជាទម្ងន់នោះ បានធ្វើឡើងក្រោមការចង្អុលបង្ហាញ ពីលោកឧត្តមសេនីយ៍ទោ ម៉ែន លី ស្នងការនគរបាលខេត្តកំបង់ធំ ។ សេចក្តីរាយការណ៍ បានឲ្យដឹងទៀតថា ជនសង្ស័យដែលត្រូវឃាត់ខ្លួននេះ ឈ្មោះ មី […]
គម្រោងស្ពានព្រែកប្រា-ចាក់អង្រែ គ្រោងបើកការដ្ឋានសាងសង់នៅពេលឆាប់ៗខាងមុខនេះ
កម្ពុជា និងចិន បានចុះហត្ថលេខាលើកិច្ចព្រមព្រៀងឥណទានសម្បទានសម្រាប់គម្រោងសាងសង់ស្ពានទន្លេបាសាក់ (ចាក់អង្រែក្រោម – ព្រែកប្រា) ។ ក្នុងពិធីចុះហត្ថលេខាលើកិច្ចព្រមព្រៀងឥណទានសម្បទាននេះ ក៏មានការចុះហត្ថលេខាលើឯកសារសហប្រតិបត្តិចំនួន ១៥ផ្សេងទៀតផងដែរ ដែលបានធ្វើឡើង រវាសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងនាយករដ្ឋមន្រ្តីចិន លោក លី ឈាង ក្នុងដំណើរទស្សនកិច្ចរបស់ម្តេច ហ៊ុន ម៉ាណែត ទៅប្រទេសចិន កាលពីថ្ងៃទី១៧ កញ្ញា ឆ្នាំ២០២៣។ គម្រោងស្ពានព្រែកប្រា-ចាក់អង្រែ ត្រូវបានក្រសួងសារធារណការ និងដឹកជញ្ជូនបញ្ចប់ការសិក្សារួចរាល់ និងគ្រោងបើកការដ្ឋានសាងសង់នៅពេលឆាប់ៗខាងមុខនេះ។ បើតាមអ្នកនាំពាក្យក្រសួងសាធារណការ និងដឹកជញ្ជូន បានលើកឡើងកន្លងមកថា គម្រោងស្ពាននេះ នឹងធ្វើឱ្យប្រសើរឡើងនូវបណ្តាញហេដ្ឋារចនាសម្ព័ន្ធផ្លូវថ្នល់ក្នុងរាជធានីភ្នំពេញ និងលើកកម្ពស់ការអភិវឌ្ឍសេដ្ឋកិច្ច សង្គម និងទេសចរណ៍ ព្រមទាំងជាផ្នែកមួយជួយកាត់បន្ថយការកកស្ទះចរាចរណ៍ផងដែរ ។ គម្រោងស្ពាននេះ ត្រូវបានសិក្សាបញ្ចប់ដោយក្រុមហ៊ុនចិន Shanghai Construction Group Co.,Ltd. (SCG) ដែលទទួលបានថវិកាពីរដ្ឋាភិបាលចិន។ ស្ពានឆ្លងពីចាក់អង្រែទៅព្រែកប្រានេះ ស្ថិតនៅខណ្ឌមានជ័យ មានប្រវែងបណ្ដោយជាង៨០០ម៉ែត្រ បែងចែកដល់ទៅ៤គន្លង (២ទៅ -២មក) ដើម្បីកុំឱ្យស្ទះចរាចរណ៍លើស្ពាន។ […]